Ph'lippe Valpy dit Janvrîn

De Wikipedia
Aller à : navigation, rechercher
Ch't' articl'ye fut c'menchie en Jèrriais Jèrriais
L'Île au Dgèrdain

Ph'lippe Valpy dit Janvrîn (1677-1721) 'tait un cap'taine dé navithe.

I' fut né à Saint Brélade en 1677, lé fis d'Jacques Valpy dit Janvrîn et Mathie L'Couteu. I' s'mathyit auve Lîzabé Orange à Saint Brélade lé 27 dé Septembre 1710; il' eûtent 5 êfants.

En 1721, i' 'tait l'Cap'taine dé l' Esther. Viyant l's achies d'maladie, y'avait eune quémande dé quarantaine dé batchieaux en Jèrri. L' Esther èrvénait d'Nantes, et l'Cap'taine Valpy dit Janvrîn proposit d'pâsser la quarantaine dans lé hâvre dé Belcroûte. Achouêmi par la maladie auprès deux jours, Ph'lippe Valpy dit Janvrîn mouothit l'25 d'Septembre, mais nus n'osait qu'si san corps. Par la pèrmission du Lieut'nant Gouvèrneux, l'corps fut entèrré sus l'Île au Dgèrdain l'27 dé Septembre. Sa bouonnefemme êrigit eune sépultuthe sus l'île par la siette à la mémouaithe dé s'n houmme èrgretté.

La tou bâtie sus l'île dêtruisit la sépultuthe, mais oulle est acouo mênommée la "Tombe à Janvrîn".